旺角726有一間性價比高嘅西餐廳

Homeland 今次行開旺角見未食野，去咗726嗰邊睇下有咩食，最後揀咗19樓一間叫「homeland」，見之前喺荃灣都食過，覺得唔錯再嚟旺角再食過！ 入到去地方好大，呢間係旺角新店，佈置、餐具同座椅都色彩繽紛，沿途都好啱輪椅人士入去幫襯，不過Lunch就無海鮮盤，無海鮮盤都唔緊要，有抵食Lunch Set就得啦！ 1.日式咖哩煙鴨胸焗飯 配沙律+煙肉蘑菇忌廉湯$68+仲夏菠蘿梳打$15（8/10） 呢個日式咖哩煙鴨胸焗飯個鴨胸有少少鹹，鴨胸有5塊，咖哩汁少少甜唔算香濃，焗飯似係炒飯底，有大量芝士喺面，焗飯份量算多！ 沙律多汁清甜！ 是日餐湯係煙肉蘑菇忌廉湯，唔會好稀，仲食到有少少煙肉！ 仲夏菠蘿梳打：成杯菠蘿梳打好鬼甜，菠蘿果肉都無，好彩跟餐只係加$15，原價係要$48一杯！ 2.澳洲安格斯肉眼扒 配薯菜+沙律+煙肉蘑菇忌廉湯$148+凍抹茶牛奶拿鐵$15（8/10） 我叫咗呢個澳洲安格斯肉眼扒五成熟，牛扒切開粉嫩色，都有少少血水出，不過我一咬唔似五成熟，肉質有少少韌，我覺得似七成熟，牛扒下面有薯菜，有翠玉瓜、黃椒、蕃茄仔同大量薯蓉等，份量都相當豐富！ 凍抹茶牛奶拿鐵：奶味太重，抹茶味唔出，咖啡味都唔夠出，好彩跟餐只係加$15，原價係要$48一杯！ 3.脆炸粗薯條$22（9/10） 呢個脆炸粗薯條炸得好脆，份量都唔少！ 4.蜂蜜柚子脆香雞翼x3 $22（9.5/10） 跟餐可以加$22叫埋呢個蜂蜜柚子脆香雞翼柚子肉好多，雞翼炸得好脆，雞翼肉汁嫩滑，表面仲茶咗蜂蜜，柚子蜂蜜味都幾重，唔錯唔錯！ 5.吉列廣島蠔x3隻$22（9/10） 跟餐可以加$22叫埋呢個吉列廣島蠔炸粉好薄，廣島蠔都算大隻，唔錯！ 6.蒜香牛油焗田螺拼薯蓉（小）$22（8.5/10） 跟餐可以加$22叫埋呢個蒜蓉牛油焗田螺拼薯蓉，螺肉彈牙唔硬，好有蒜蓉味，螺肉都有4舊，薯蓉好香！ 7.德國腸拼薯蓉（小）$22（9/10） 跟餐可以加$22叫埋呢個德國腸都有3款，每一款德國腸都會幫你切半，食客食得好方便，小食嚟講算好平，份量算好多，又有好香嘅薯蓉，正！ 8.日式焙茶手工芝士蛋糕$48（8.5/10） 呢個日式焙茶手工芝士蛋糕食落芝士味唔重，蛋糕質感係硬實，有少少焙茶味，幾ok！ 9.手工棉花糖朱古力布朗尼$48（9/10） 呢個手工棉花糖朱古力布朗尼真係堅好食，面頭加咗棉花糖又特別，質感有少少似麻薯口感，煙煙靭靭！ 曲奇餅又有花又有熊仔，又有馬卡龍，呢個甜品食完真係好滿足！ 2人總共價錢$517，有加一服務費！ 個人口味總評分：8.72/10 @homeland.kitchen @maphk2021 地址：旺角彌敦道726號19樓 Please follow me🙆‍♂️ @wheelchaireatinhongkong  如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️ #Homeland#香港美食#旺角美食#旺角好去處#hkig#hkboy#hkfoodie#hkfoodblogger#hkfoodpic#hkfoods#hkfoodshare#dessert#hkdessertshop#food#hkfoodstagram#hkfoodpic#hkigfood#foodiehk#yummy#delicious#foodie#hkfoodieblogger#hkfoodies#wheelchaireatinhongkong#打卡相我攞獎 #社群歎世界 #社群請睇戲